Hukumar watsa shirye-shirye ta Najeriya NBC sun dakatar da wakar Folarin Falana wanda aka fi sani da sunan Falz a yayin da suka saki wata wasika mai kunshe da wannan gargadin. Idan za a tuna a baya, hukumar ta dakatar da gidajen radio da talabijin da su dakatar da saka wakar THIS IS NIGERIA domin wakar na kunshe da sakin layin da mawaki Falz ya rera dangane da yanayin da kasar Najeriya take ciki. A wasikar, an dakatar da wakokin Olamide mai taken See mary, See Jesus da kuma Wakar Wande Coal mai taken ISKABA. Hukumar ta kara da cewa sabo da sabawa dokokin da gidan yada shirye-shiryen ya yi, an caje shi naira dubu 100 a matsayin tarar da za a biya.